"Милан"га ўтган Пулишич Ибрагимовичнинг рақамини танлади (фото)

"Милан" клуби Кристиан Пулишични ўз сафига қўшиб олди. Тез орада трансфер расман эълон қилинади. 

Маълум бўлишича, АҚШ терма жамоаси сардори миланликлар сафида 11-рақам остида ҳаракат қилади. Бу рақам яқинда футболдаги фаолиятига якун ясаган Златан Ибрагимовичга тегишли эди. 

Маълумот ўрнида, "россонерилар" Кристиан учун "Челси"га 22 миллион евро тўлайди. Футболчи билан 4 йиллик шартнома тузилиши кўзда тутилган.