Мессидан рақибга таҳдид: Мен бор эканман сен терма жамоада ўйнамайсан!

Лионель Месси ўйнаётган “Интер Майами” Лигалар кубоги мусобақаси фигалида “Сиэтл Саундерс” жамоасидан 3:0 ҳисобида мағлубиятга учраб, бош совриндан қуруқ қолган эди.

Учрашувдан кейин флоридаликларнинг машҳур юлдузлари Луис Суарес ва Серхио Бускетс ғолиб жамоа вакиллари билан жанжаллашди. Гарчи  Месси бу вазиятдан узоқроқ турган бўлса-да, зиддиятни ўзини кўрсатгани ошкор бўлди.

МЛС клубларида фаолият юритган собиқ футболчи Алан Гордор Major League Journeyman подкастида Лигалар кубоги финалида Месси рақиб жамоа таркибида ўйнаган ҳамюрти Педро де ла Вега билан тортишганини маълум қилди.

Манбага кўра, саккиз карра “Олтин тўп “ соҳиби ўзи билан тортишган Педрога “Мен бор эканман, сен Аргентина терма жамоасида ўйнамайсан!”, деб таҳдид қилган.

Бир пайтлар “Барса”да ўйнаб катта ҳурмат қозонган Луис Суарес мағлубиятга чидай олмай, “Сиэтл” клуби ходимга тупирди, Серхио Бускетс эса рақиб ўйинчиларидан бирини урди.