Месси яна бир рекордни ўзиники қилди

Халқаро футбол тарихи ва статистикаси ташкилоти ортда қолган йилнинг энг яхши плеймейкери номини эълон қилди.

Унга кўра, "Пари Сен-Жермен" ҳужумчиси Лионель Месси биринчи ўринга лойиқ кўрилди. Эътиборли томони шундаки, аргентиналик юлдуз бу номга 5-марта эга чиқмоқда. Мазкур натида рекорд ҳисобланади. Аввалги энг яхши кўрсаткич "Барселона" афсонаси Хавига тегишли эди - 4 бор.

Қуйида IFFHS версияси бўйича 2022 йилнинг энг яхши плеймейкерлари билан танишиш имкониятига эгасиз.

1. Лионель Месси (ПСЖ / Аргентина);

2. Лука Модрич ("Реал" / Хорватия);

3. Кевин де Брюйне ("Манчестер Сити" / Бельгия);

4. Бруну Фернандеш ("Манчестер Юнайтед" / Португалия);

5-6. Антуан Гризманн ("Атлетико" / Франция);

5-6. Бернарду Сильва ("Манчестер Сити" / Португалия).

Лео ташкилот томонидан жорий йилнинг ўзида 3-марта тақдирланмоқда. Аввалроқ, у йилнинг энг яхши футболчиси ва тўпурари совринларини қабул қилиб олганди.