ПСЖ юлдузи Лионель Месси жамоа машғулотларида қатнашмади, деб хабар бермоқда франциялик журналист Адриен Гренье.
Манбанинг таъкидлашича, 34 ёшли аргентиналик ҳужумчи якка тартибда шуғулланган. Унинг “Труа”га қарши бўладиган баҳсда қатнашиш катта сўроқ остида турибди.
Лионель Месси янги чемпионатда қайд этаётган кўрсаткичлари аввалги натижаларидан анча йироқ экани туфайли кўп танқид қилинмоқда. Моҳир тўпурар Франция чемпионатида 23 та учрашувда атиги тўртта гол урди. Шунингдек, унинг ҳисобида 13 та ассист ҳам бор.
ПСЖ жорий мавсумда муддатидан олдин Франция чемпионлигини қўлга киритди.
Изоҳлар (0)
Ҳозирча изоҳлар йўқ