Месси билан учрашув бўлмайди: Неймар терма жамоа таркибидан чиқарилди
- 15-март 2025, 05:50
- Zohir Toshxo’jayev
- 0
- Футбол
“Ал-Ҳилол” билан шартномасини бекор қилган Неймар ўз юртига қайтиб, “Сантос” клубидан қўним топган эди. Бу жамоа сафида ўйинини тиклаб бораётган 33 юлдуз яқинда Бразилия терма жамоасидан таклиф олди.
Бразилияликлар март ойидаги ФИФА кунларида 2026 йилги жаҳон чемпионатининг икки саралаш учрашувини ўтказади. Хусусан, улар 21 март куни Колумбия, беш кундан кейин Аргентина билан тўқнаш келади.
Кўпчилик бир ярим йиллик танаффусдан кейин терма жамоага қайтган Неймарнинг майдонда Лионель Мессига қарши ўйнашини кутган эди. Бироқ сўнгги маълумотларга қараганда, Бразилия терма жамоаси бош мураббийи Доривал Жуниор тиббиёт ходимлари тавсиясига кўра, Неймарни таркибдан чиқарган.
Таниқли инсайдер Фабрицио Романо терма жамоа ўйинларида “Фламенго” футболчиси Данило ва “Манчестер Сити” дарвозабони Эдерсон ҳам қатнашмаслигини маълум қилди.
Таркибдан четда қолган уч нафар юлдуз ўрнини “Лион” дарвозабони Лукас Перри, “Реал” ҳужумчиси Эндрик ва “Фламенго” ҳимоячиси Алекс Сандро эгаллайди.