Месси, мени кутма! Неймарнинг янги жамоаси номи ойдинлашди
- 20-январ 2025, 09:25
- Zohir Toshxo’jayev
- 0
- Футбол
Саудия Арабистонининг “Ал-Ҳилол” клубини тарк этиши кутилаётган Неймар ўз юрти Бразилияга қайтиб кетиши эҳтимоли ошиб бормоқда.
Diario Do Peixe нашрининг маълум қилишича, 32 ёшли ҳужумчи ўзини тарбиялаган “Сантос” клубига қайтишга мойиллик билдирмоқда.
Манбага кўра, “Ал-Ҳилол” Неймарни Саудия Арабистони чемпионатининг иккинчи қисми учун қайдномага киритмаганидан кейин “Сантос” ўз тарбияланувчисини олти ой муддатга ижарага олишга қарор қилган.
Неймарда фаолиятини АҚШ чемпионатида давом эттириб, “Барселона”да бирга ўйнаган дўстлари – Лионель Месси ва Луис Суарес ўйнаётган “Интер Майами” ёки “Чикаго Файр” жамоасига кўчиб ўтиш варианти ҳам бор эди.
Бироқ Diario Do Peixe журналистлари футболчининг ўзи ватанига қайтиб, “Сантос”га ёрдам бериш истагини билдирганини ёзмоқда.