Мераб Двалишвили "MMA Junkie" талқинига кўра, йилнинг энг яхши жангчиси деб эълон қилинди

Ўта енгил вазн тоифасида UFC собиқ чемпиои Мераб Двалишвили Американинг нуфузли сайти - "MMA Junkie" талқинига кўра, йилнинг энг яхши жангчиси деб топилди.

"Ҳа, Мераб Двалишвили охирги жангида мағлуб бўлганига қарамай, унинг сўнгги 12 ой ичида эришган ютуқлари бизни ҳайратда қолдирди. У келажакда ўта енгил вазн тоифасида барча даврларнинг энг буюк жангчиси сифатида тан олиниши ҳам мумкин", - дейилади пресс-релизда.

Маълумот учун, "MMA Junkie" мухбирлари уч номзод - Мераб Двалишвили, Ислом Махачев ва Пётр Ян учун ўзаро овоз беришди. Натижада грузиялик жангчи олтита, Ислом бешта, Пётр эса битта овозга эга чиқди.