"Мен Аргентина терма жамоасида эканман сен у жамоада ҳеч қачон ўйнамайсан"

"Интер Майами" ҳужумчиси Лионель Месси билан "Сиэтл Саундерс" жамоаси аъзоси, ватандоши Педро де ла Вега ўртасида Лигалар кубогининг сўнгги финали давомида можаро юз берди. Бу ҳақда МЛС клубларининг собиқ футболчиси Алан Гордон хабар берди.

- Лео де ла Вегага "Мен Аргентина терма жамоасида эканман сен у жамоада ҳеч қачон ўйнамайсан" деб айтди, - деди Алан "Major League Journeyman" подкастида.

Эслатиб ўтамиз, финал учрашувида Месси жамоаси 0:3 ҳисобида йирик мағлубиятга учради. Ўйин якунлангач, "Интер Майами" ва "Сиэтл" футболчилари ўртасида тўқнашув содир бўлди, унда испаниялик ярим ҳимоячи Серхио Бускетс рақибига зарба берди.