Мбаппе нега Зидандан қочиб юрганини айтди
- 19-март 2025, 10:54
- Zohir Toshxo’jayev
- 0
- Футбол
“Реал” ва Франция терма жамоаси юлдузи Килиан Мбаппе футбол жамоатчилигига нега кейинги пайтда Зинедин Зидандан қочиб юрганини очиқлади.
- Кейинги пайтда Зинедин Зидан билан тўқнашт келмасликка ҳаракат қиляпман. Чунки унинг терма жамоа бош мураббийлигига тайинланиши ҳақидаги миш-мишларнинг тарқалишига сабабчи бўлмоқчи эмасман, - деди Килиан Мбаппе.
Аввалроқ, Франция терма жамоасини узоқ вақтдан бери бошқариб келаётган Дидье Дешам бош мураббийликдан кетиши ва унинг ўрнини Зидан эгаллаши ҳақида маълумотлар тарқатилган эди.
Зинедин Зидан бош мураббий сифатида фақат “Реал”да икки муддат ишлаган. 2016-2018 ҳамда 2019-2021 йиллар давомида франциялик мутахассис мадридликлар билан катта ютуқларни қўлга киритган. Шундан бери у ишсиз юрибди.
Таъкидлаш жоизки, Зидан ҳар йили қудратли клублардан бош мураббийлик бўйича таклиф олади. Бироқ у Франция терма жамоасини бошқариш илинжида бирорта чорловни қабул қилгани йўқ.