Мбаппе келса, бош мураббийга муаммо туғдираман!
- 5-апрел 2024, 15:33
- Zohir Toshxo’jayev
- 0
- Футбол
“Реал”да тўпурарлик маҳоратини намойиш қила бошлаган Родриго Мадрид клубига Килиан Мбаппе келиши ҳақидаги хабарларга муносабат билдирди.
Аксарият мутахассислар 25 ёшли франциялик тўпурарнинг келиши бразилиялик футболчининг жамоадаги ўйин вақтига таъсир кўрсатишини таъкидламоқда. Қолаверса, Мбаппе Родригонинг бошқа клубга ўтиб кетишига сабабчи бўлиши айтилмоқда.
- Мбаппе “Реал”га ўтяптими? Журналистлар айтаётганидек, бу жуда яқин, мен эса сизларнинг гапингизга ишонаман. Лекин бу трансфер амалга ошадими ёки йўқ, бунисини аниқ билмайман.
Килиан келса, мен захира ўриндиғига михланаманми? Кимни ўйнатиш борасида бош мураббийга муаммо туғдираман. Мен бор эътиборимни “Реал”га қаратганман, - деди Родриго Гоэс.
Айрим оммавий ахборот воситаларининг таъкидлашича, Мбаппе “Қироллик клуби” билан 2029 йилнинг ёзигача давом этадиган шартнома тузган.
Унга кўра, ҳужумчи мавсум якунланганидан кейин Мадридга кўчиб ўтиши кутилмоқда. Ҳатто “Реал” клуби футболчига 9-рақамни ажратиб қўйгани ҳақида маълумотлар бор.