Мбаппе билан юз берган вазият туфайли икки ҳакам четлатилди
- 5-феврал 2025, 11:16
- Zohir Toshxo’jayev
- 1
- Футбол
Испания чемпионатининг 22-турда амалдаги чемпион “Реал” Барселона шаҳрида “Эспаньол” меҳмони бўлиб, кичик ҳисобда мағлуб бўлганди.
Учрашувнинг кульминацион 60-дақиқага тўғри келди. Мезбонлар ҳимоячиси Карло Ромеро рақиб ҳужумчиси Килиан Мбаппенинг орқасидан подкат ташлаб, уни қўполлик билан тўхтатди. Бу вазиятда ҳакам Ромерога фақат огоҳлантириш бергани кўп муҳокамаларга сабаб бўлди.
Ўйин охирида айнан Ромеронинг голи “Эспаньол” ғалабасини таъминлади.
Испания чемпионати ҳакамлари техник қўмитаси раҳбари Луис Медина Кантальехо ҳакамлар иштирокида ўтказилган мажлисда ушбу ҳолатни муҳокама қилиб, қарор чиқарди.
Кантальехо Мбаппега қўполлик ишлатилган вазиятда Карлос Ромерога яққол қизил карточка беришни талаб этишини таъкидлади.
Якунда ушбу учрашувни бошқарган Алехандро Муньис Руис ва VAR ҳаками Иглесиас Вильянуэва қўпол хатолари учун вақтинчалик ҳакамликдан четлатилди.