Маурисио Почеттино Месси, ПСЖ таркиби ва рақобат ҳақида гапирди
- 13-август 2021, 19:13
- Javokhir Azimov
- 0
- Футбол
ПСЖ бош мураббийи Маурисио Почеттино Франция чемпионати 2-туридан ўрин олган "Страсбург"га қарши ўйин олдидан ўз фикрлари билан ўртоқлашди:
"Клуб таркибига бир нечта футболчилар келиб қўшилган пайтда, мураббийлар штаби ва янги келганларга осон бўлмайди. Лекин бу бизнинг вазифамиз. Биз рақобатбардош бўлишимиз лозим. Асосий мақсадимиз - эртага уч очко олиш ва бор эътиборимизни шунга қаратамиз.
Лионель Месси биз билан эканлигидан жуда хурсандмиз. Уни бу ерда кутиб олиш мен учун бахт. Лео энергияга тўла. Бизда ажойиб жамоа бор. ПСЖ исталган клубга рақобат туғдира олади. Мақсадларимизга эришиш учун қўлимиздан келганини қиламиз",-деди аргентиналик мутахассис.
Маълумот учун, Париж клуби Франция чемпионати 1-тури доирасида "Труа" майдонидан 2:1 ҳисобидаги ғалаба билан ортга қайтди.