Машарипов: Эрон ва Осиёнинг унча-мунча термасидан кучлимиз

10 октярбь куни Ўзбекистон терма жамоаси "ЖЧ-2026" саралаши доирасида Эрон терма жамоасига қарши майдонга чиқади. Мазкур беллашув олдидан терма жамоамиз етакчиларидан бири бўлган Жалолиддин Машарипов матбуот анжуманида иштирок этди ва журналистларнинг саволларига жавоб берди. 

- Аввало ассалому алайкум. Эронга қарши баҳс ҳақида ортиқча таъриф шарт емас. Сабаби, икки томон ҳам бир-бирини жуда яхши билади.

- Ўйлайманки, эртага мухлисларимиз қаршисида ижобий натижа қайд эта оламиз.

- Тактика ҳақида, уларнинг нозик тарафлари ҳақида шарт емас. Сабаби, бу ерда икки томоннинг ҳам журналистлари ўтирибди. Режамиз бўлса, ўзимизнинг энг яхши ўйинимизни кўрсатиб, муваффақият кўрсатишга ҳаракат қиламиз.

- Эрон футболчиларининг барчаси ҳозир барибир яхши ҳолатда. Кўп футболчиси бир клубда тўп тепмоқда. Бу уларнинг терма жамоаси учун фойдали ҳолат. Лекин унутмайликки,  эронлик футболчиларнинг аксарияти БАА каби чемпионатларга нега кетганини барчамиз жуда яхши биламиз. Биз ҳозирда нафақат форслардан балки, бутун Осиёда унча-мунча терма жамоадан кучлимиз.

- Кўрган бўлсангиз, кўп голларимиз олдиндан ишланган тактик ишланмалар орқали киритилди. Айнан бир футбчининг маҳоратига боғланиб қолмаганмиз. Бўлажак ўйинда ҳам яхши тарафдан ўйинга бўлган иштиёқимизни намойиш этамиз.