Масала ҳал! Рэшфорд бошқа клубга ўтяпти
- 1-феврал 2025, 18:46
- Zohir Toshxo’jayev
- 0
- Футбол
“Манчестер Юнайтед”га керак бўлмай қолган Маркус Рэшфорд фаолиятини Англия Премьер-лигасининг ўзида давом эттирадиган бўлди.
Таниқли инсайдер Фабрицио Романонинг маълум қилишича, 27 ёшли ҳужумчи “Астон Вилла” сафига қўшилади.
“Астон Вилла” Маркусни мавсум охирига қадар ижарага олади. Ҳозир томонлар шартномага ўйинчини сотиб олиш ҳуқуқи тўғрисидаги бандни муҳокама қилмоқда.
Бирмингем клуби Рэшфорднинг маошини тўлиқ қоплайди. Бош мураббий Унаи Эмери Маркус Рэшфорд билан суҳбат ўтказганидан кейин трансферга розилик берди.
Маълумки, “Манчестер Юнайтед”ни Рубен Аморим қабул қилиб олганидан кейин таркибни тартибга сола бошлади. Бу жараёнда португалиялик мутахассис бир неча ўйинчиларни асосий таркибдан четлаштира бошлади.
Хусусан, Маркус Рэшфорд ҳам қарийб икки ойдан бери учрашувларга жалб қилинмаяпти. Унга Европа ва Саудия Арабистонининг бир неча клублари оғиз солди. Бироқ, энди маълум бўлишича, манчестерликлар билан фақат “Астон Вилла” келиши олди холос.