Мареска: "Ўн киши бўлиб ҳам кучлироқ кўриниш ва ғалаба қозониш яхши"

"Челси" бош мураббийи Энцо Мареска "Бенфика" устидан қозонилган ғалабадан сўнг фикр билдирди:

— Футболчилар жуда яхши ишлашди. Биринчи таймда тўп билан муомала ва ҳужумлар яратишда иккинчи бўлимга нисбатан анча яхши ўйнадик. Иккинчи таймда ўйин даражаси тушиб кетди.

— Охирги 2–3 ўйинда 2–3 та гол ўтказиб юборгандик, бу тарзда бўлмаслиги керак. Яхшироқ ҳимояланишимиз лозим. Шунинг учун қуруқ ўйин ўтказганимиз қувонарли.

— Ўн киши бўлиб ҳам кучлироқ кўриниш ва ғалаба қозониш яхши. Менимча, Жоау Педро эпизодида иккинчи сариқ учун фол йўқ эди, лекин вазият хавфли кўринди.

— Бу биз учун шу мавсумда бошланган саргузашт бўлиб, биз тобора такомиллашиб бормоқдамиз, — деди "аристократлар" мутахассиси "TNT Sports"га.