Манчестерликлар ҳали танилмаган лекин нархи кескин кўтарилган истеъдодни олади
- 20-декабр 2025, 12:10
- Zohir Toshxo’jayev
- 0
- Футбол
“Манчестер Юнайтед” раҳбарияти Германия Бундеслигасидан жамоани кучайтира оладиган ўйинчи топди. Гап “Кёльн” жамоасининг 19 ёшли чап қанот ҳужумчиси Саид Ал-Мала ҳақда кетмоқда.
Манчестерликлар футболчининг трансфери бўйича маълумот олиш учун немис клубига мурожаат қилган. Бу ҳақда Daily Express ва Bild каби манбалар хабар бермоқда.
Transfermarkt портали куни кеча Саиднинг нархини 18 миллион евродан 40 миллион еврога кўтарди. “Кёльн” эса, ўз тарбияланувчисини 60 миллион евродан кам бўлмаган суммага қўйиб юборишини билдирган.
Саидни қўлга киритиш учун “Манчестер Юнайтед” Премьер-лиганинг бошқа клуби – “Тоттенхэм” билан рақобатлашишига тўғри келмоқда.
Саид Ал-Мала жорий мавсум Германия чемпионатида 14 та учрашувда майдонга тушиб, олтита гол ва учта ассистни амалга оширган.