"Манчестер Юнайтед"га бразилиялик ҳимоячи келади

"Лилль" ҳимоячиси Габриэль фаолиятини Англия чемпионатида давом эттириши мумкин.

Франция нашрлари маълумотига кўра, 22 ёшли футболчи хизматларига "Манчестер Юнайтед" қизиқиш билдирмоқда. Олдинроқ, бразилиялик ёш ҳимоя учун "Наполи" даъвогарлик қилаётгани хабар қилинган эди.

Жорий мавсумда 24 та ўйинда 1 та гол киритган Габриэлнинг "Лилль" билан шартномаси 2023 йил ёзигача амал қилади.