“Манчестер Юнайтед” Луис Энрике билан уришиб қолган юлдузни олиб кетади

ПСЖда янги можаро бошланган. Жамоа етакчиси Усмон Дембеле бош мураббий Луис Энрике билан уришиб қолди.

Испаниялик мутахассис франциялик футболчини жамоадан четлатди ва клуб раҳбарияти буни маъқуллаганини билдирди. Луис Энрикенинг характеридан келиб чиқиб, энди у ўзига қарши борган Усмон Дембелени қайта ўйнатмайди.

Бу вазиятдан “Манчестер Юнайтед” фойдаланиб қолмоқчи. Англияликлар Дембеле жамоани кучайтира олишига ишонмоқда ва айни пайтда трансфер шартларини ўрганишни бошлаб юборишди.

TodoFichajes порталининг ёзишича, бу трансфер қишда амалга ошиши мумкин. 27 ёшли футболчи учун “Манчестер Юнайтед” 60 миллион евро тўлашга тайёрлиги айтилмоқда.