“Манчестер Юнайтед” 100 миллионлик трансферни уддалади

“Манчестер Юнайтед” раҳбарияти бразилиялик ҳужумчи Антони трансфери учун “Аякс” талаб қилган 100 миллион еврони тўлашга розилик берди, деб хабар тарқатди таниқли журналист Герьян Хамстелар.

Аввалига инглизларнинг бир неча таклифларини рад қилган амстердамликлар ўзилари кутган суммани эшитгач, ўйинчини қўйиб юборишга рози бўлган.

“Аякс”нинг бир қарорга келишига Антонининг босими ҳам таъсир қилди. 22 ёшли футболчи агар клуб уни қўйиб юбормаса, жамоа учун ўйнамаслигини эълон қилганди.

Антони “Сан Паулу” жамоаси тарбияланувчиси ҳисобланади. Истеъдодли футболчи 2020 йили “Аякс”га олиб келинган. Фаолияти давомида 119 та учрашувда 28 тадан гол ва ассист қайд этган.