“Манчестер Сити” катта трансферга қўл урмоқчи

"Ноттингем Форест" ярим ҳимоячиси Эллиот Андерсон "Манчестер Сити" футболчисига айланиши мумкин. Бу ҳақда TEAMtalk хабар бермоқда.

Манбага кўра, "шаҳарликлар" Андерсон учун асосий фаворит ҳисобланади. Таъкидланишича, клуб аллақачон Хосеп Гвардиола мавсум охирида кетган тақдирда ҳам "Сити"га ўтишга қарши бўлмаган футболчининг вакиллари билан боғланган. Битим суммаси тахминан 91-114 млн еврони ташкил қилиши мумкин.

Жорий мавсумда 23 ёшли Андерсон барча мусобақаларни қўшиб ҳисоблаганда 33 та ўйинда майдонга тушиб, 1 та гол урди ва 3 та голли узатмага муаллифлик қилди.

Андерсоннинг "Ноттингем Форест" билан амалдаги меҳнат шартномаси 2029 йилнинг ярмигача мўлжалланган.