Максим Шацких "Пахтакор"да қайси лавозимда ишлаши маълум

"Пахтакор" клуби спорт директори Жафар Ирисметов бир неча кун аввал лавозимидан озод этилганди. Унинг ўрнига номзодлар кўриб чиқилмоқда.

Ўзбекистон миллий терма жамоаси собиқ ҳужумчиси, айни пайтда футболчилик фаолиятини якунлаган Максим Шацких "Пахтакор" клубида иш бошлайди. У клуб вакиллари билан музокара ўтказиш учун пойтахтга келган.

SPORTS.uz сайтига маълум бўлишича, Шацких "Пахтакор" клуби спорт директори лавозимини эгаллайди. Клуб матбуот хизмати ҳам Максим жамоа бошқарувидаги лавозимлардан бирида иш бошлаши кутилаётганини хабар қилганди. Тез орада расмий маълумот берилади.