Мадридликлар барча даврлар рекордини ўрнатди
- 11-март, 08:37
- Zohir Toshxo’jayev
- 0
- Футбол
Мадриднинг “Атлетико” клуби УЕФА Чемпионлар лигаси 1/8 финалининг биринчи ўйинида Англиянинг “Тоттенхэм Хотспур” жамоасини 5:2 ҳисобида мағлубиятга учратди ва клуб тарихидаги асосий еврокубок турнирида янги рекорд ўрнатди.
Opta Sport статистика портали маълумотига кўра, “матрасчилар” Чемпионлар лигаси тарихида биринчи марта бир ўйиннинг биринчи бўлимида тўртта гол урди.
Шу билан бирга, “Атлетико” Чемпионлар лигаси плей-офф босқичида биринчи бўлимда тўртта гол урган иккинчи испан жамоасига айланди.
Бундан аввал бундай натижани фақат “Барселона” қайд этган. Каталония клуби буни 2009 йилда икки марта амалга оширган. Ўшанда “Барса” футболчилари Европа Чемпионлар лигасининг 1/8 финалида “Лион”ни 5:2 ҳисобида мағлуб этган ва чорак финалда “Бавария”дан 4:0 ҳисобида устун келган.