Луис Энрике қадрламаган футболчини Англиядан олтита клуб талашяпти
- 2-апрел 2025, 10:23
- Zohir Toshxo’jayev
- 0
- Футбол
Франция терма жамоасининг тажрибали ҳужумчиси Рандаль Коло-Муани келаси мавсумни Англия Премьер-лигасида бошлаш имкониятига эга.
Аслида 26 ёшли тўпурар ПСЖга тегишли. Парижликлар бош мураббийи Луис Энрике унга асосий таркибдан жой бермагани боис, Рандаль қишки трансферлар вақтида ижара асосида “Ювентус”га кўчиб ўтган эди.
ПСЖ бу футболчини катта умидлар билан 2023 йили 95 миллион евро эвазига “Айнтрахт”дан олиб келганди. Бироқ бош мураббий ўзгариб, жамоани испаниялик мутахассис қабул қилиб олганидан кейин вазият ўзгарди ва қимматбаҳо футболчи керак бўлмай қолди.
Ёзда ПСЖ Коло-Муанидан қутилишга ҳаракат қилади. Харидор масаласида муаммо бўлмайди. Ҳозирда Англиянинг олти клуби айни кучга тўлган форвардни ўз сафига қўшиб олиш учун даъвогарлик қилмоқда.
TBR Football нашрига кўра, Рандалга кўз тикаётганлар рўйхатида “Арсенал”, “Челси”, “Тоттенхэм”, “Ливерпуль”, “Астон Вилла” ва “Ньюкасл” бор.