"Ливерпул"га қарши ўйин пайтида "Барселона" футболчисининг уйини ўғри босди

“Барселона” клуби ярим ҳимоячиси Артурнинг кеча “Ливерпул”га (3:0) қарши ўйин пайтида уйини ўғри урди.

El Taquigrafo нашри тарқатган хабарга кўра бразилиялик футболчи “Камп Ноу”да ўйинда бўлган пайтда пичоқ ва бошқа ўткир тиғли асбоблар билан қуролланган 2та жиноятчи дераза орқали унинг уйига киришган.

Таъкидлаш керакки, воқеа жойида Артурнинг акаси бўлган. Ўғрилар эса унга ўлдириш билан тахдид қилишган ва уйдан қимматбаҳо Rolex соатларини олиб чиқиб кетишган. Шаҳар полицияси айни дамда жиноятчиларни қидирмоқда.