"Ливерпуль" ҳужумчисини сақлаб қоладиган бўлмоқда

"Ливерпуль" ҳужумчиси Федерико Кьезани қишда сотмайдиган бўлди. 
 
Сўнгги кунларда А Сериянинг "Фиорентина", "Наполи" ва "Интер" каби жамоалар Федерикони қишки трансферлар ойнасида ўз сафига қўшиб олмоқчи эди. Италиялик вингер ҳам Слот клубидаги ўрнидан норозилиги сабаб, жамоани тарк этишни мақсад қилиб қўйган. 
 
Бир неча манбаларнинг хабарига кўра, мерсесайдликлар қишда Кьезани қўйиб юбормасликка қарор қилди. Яқин кунларда муҳим ўйинлар келаётгани сабаб, клуб раҳбарлари вингерга яна ишонч билдирмоқда. 
 
Маълумот ўрнида, 27 ёшли футболчи жорий мавсум 4 тагина ўйинда иштирок этиб, 1 та голли узатмага муаллифлик қилишга улгурди. Унинг клуб билан шартномаси 2028 йилгача мўлжалланган бўлиб, Тransfermarkt порталидаги нархи 22 миллион евро деб баҳоланмоқда.