"Лион" клуби "Реал"даги собиқ футболчисини қайтармоқчи

Франциянинг "Лион" клуби Мадриднинг "Реал" жамоаси ҳужумчисини сотиб олмоқчи. Инсайдер Экрем Конурнинг хабар беришича, "Лион" Мариано Диасни ортга қайтармоқчи.

Манбага кўра, "қироллик клуби" 28 ёшли ярим ҳимоячи учун 5-6 миллион евро атрофида талаб қилмоқда. Потенциал харидорлар ушбу суммани тўлашга рози бўлса, Мадрид клуби доминиканлик футболчи билан хайрлашишга тайёр.

Мариано жорий мавсум "Реал" сафида 10 та учрашувда майдонга тушиб, битта голли узатма муаллифига айланган. Футболчининг клуб билан амалдаги шартномаси келаси мавсум охирида якунига етади.

Transfermarkt портали футболчининг нархини 6 миллон евро этиб белгилаган. Маълумот ўрнида, 2017-2018 йилги мавсумда футболчи "Лион" сафида ижара асосида тўп тепган.