Левандовски "Олтин тўп"га лойиқ

“Барселона” собиқ футболчиси Карлес Пуйолнинг фикрича, Роберт Левандовски каталонияликлар сафида кўплаб совринларни қўлга кирита олади. Унинг фикрича, ҳаттоки польшалик “Олтин тўп”ни ҳам ўзиники қила олишга қодир. Шунингдек, собиқ ҳимоячи “кўк-анорранглилар” амалга оширган трансферлар борасида фикр билдирди.

“Ишончим комилки, бу йил “Барселона” учун ажойиб йил бўлади. Чунки клуб ақлли трансферларни амалга оширди. Ўйлайманки, Левандовски мавсумнинг энг яхши футболчилар қаторида эътироф этилади. Роберт нафақат тўпурар, балки тўпни ўзида сақлаб туриш ва ажойиб комбинацияларни ташкил қила олди.

У "Барселона" сафида "Олтин тўп"ни қўлга кирита олади. Боиси, Левандовски бунга лойиқ”, - дейди Пуйол.