Левандовски бешта клубдан таклиф олди. Энди нима қилади?
- 16-феврал, 07:01
- Zohir Toshxo’jayev
- 0
- Футбол
“Барселона” сафида энг катта маош олаётган Роберт Левандовскининг каталонияликлар билан амалдаги шартномаси жорий мавсум охирида якунига етади ва ҳозирча, клуб раҳбарияти унга ҳамкорликни узайтириш таклифини бергани йўқ.
Вазиятдан фойдаланиб, турли лигаларнинг етакчи клублари ёзда эркин агент мақомини оладиган польшалик тўпурарни ўз сафига чорламоқда.
Mundo Deportivo нашрининг маълум қилишича, Левандовски шу кунларда бешта клубдан таклиф олди. Италиядан “Милан”, Испаниядан “Атлетико Мадрид”, Туркиядан “Фенербаҳче”, АҚШдан “Чикаго Файр” жамоаси тажрибали ўйинчини трансфер қилмоқчи.
Харидорлар орасида Саудия Арабистонининг номи сир тутилаётан бадавлат клуби ҳам борлиги айтилмоқда.
Манбага кўра, Левандовски мавсум охиригача келажаги ҳақида қарор қабул қилмоқчи эмас. У Каталония клубидан таклиф кутмоқда ва “Барселона” уни олиб қоладиган бўлса, маошининг сезиларли даражада пасайишига ҳам рози бўлади.
Роберт Левандовски 2022 йилнинг ёзида Мюнхеннинг “Бавария” жамоасидан “Барселона”га кўчиб ўтган эди. Шундан бери у жамоа билан икки марта Испания чемпионлигини, уч марта Испания Суперкубогини ва бир марта мамлакат кубогини қўлга киритди.