Легионерларимиз. "Селангор" "Келантон"ни мағлуб этди, Умарбек Эшмуродов бир тайм ўйнади

Малайзия чемпионати 8-туридан ўрин олган "Селангор" - "Келантон" баҳси бўлиб ўтди ва унда мезбонлар 2:0 ҳисобида ғалаба қозонди. 

Голлар Ронни Фернандес томонидан киритилди. Ўзбекистон терма жамоаси ҳимоячиси Умарбек Эшмуродов учрашувни асосий таркибда бошлади ва 45-дақиқада захирага олинди. Бундан ташқари, 37-дақиқада сариқ карточка ҳам олди. 

Шу тариқа, "қизил девлар" ўз очколари сонини 16 тага етказиб олди ва турнир жадвалида иккинчи поғонада кетмоқда.