БАТЭ шарафини ҳимоя қилаётган Шаҳбоз Умаров Беларусдаги илк совринини қўлга киритди. Борисовлик футболчилар мамлакат кубогининг финалида “Ислочь” жамоасини 2:1 ҳисобида мағлубиятга учратиб, жамоа тарихида бешинчи бор ушбу совринга эга чиқди.
Учрашувда фаол ўйнаган ўзбекистонлик легионер журналист берган бир жуфт саволга жавоб қайтарди:
- Бош мураббий Виталий Жуковский ўйиндан олдин нималар деди?
Бу соврин биз учун жуда муҳим, шунинг учун ортиқча гапнинг кераги йўқ, майдонга чиқинглар ва ғалаба қозонинглар, деди. Танаффус вақтида ўйинга ўзгартириш киритиб, хатоларимизни тушунтириб берди.
- Павел Нихайчик билан қанотларда алмашиб ўйнаш кимнинг фикри эди?
- Аслида биз у билан доим ўрин алмашиб ўйнаймиз. Мураббийларнинг кўрсатмаси шундай. Виталий Жуковский ўнг қанотда кўпроқ фойдам тегади, деб ҳисоблаган бўлса керак. Бу ўзини оқлади. Биринчи гол киритилган ҳужум шу ердан бошланди ва бунда менинг ҳам ҳиссам бор.