Лапортани “Барса” президентлигидан ҳайдашяпти!

“Барселона”нинг оппозиция гуруҳлари клуб президенти Жоан Лапорта ва унинг директорлар кенгашини зудлик билан истеъфога чиқишини талаб қилмоқда.

Бу ҳақдаги баёнотнинг клубнинг боғлиқ ўн та гуруҳ, ассоциация ва платформалар бир пайтда эълон қилди.

Истеъфо талаб қилаётганларга клуб президентлигига номзод бўлган Виктор Фонт ва Жоан Кампруби бошчилик қилмоқда. Бу мутахассислар Si al Futur  ҳамда Some un clam каби нуфузли компаниялар раҳбарлари ҳисобланади.

Улар агар Лапорта талабни бажаришдан бош тортса, унга нисбатан ишончсизлик вотуми киритилиши ҳақида уқтирмоқда.

Норозиликларнинг келиб чиқишига клуб раҳбарияти ярим ҳимоячи Даниэль Ольмо ва ҳужумчи Пау Викторни Ла Лига қайдномасидан ўтказиш, Nike билан ҳамкорликни узайтириш масалаларини ҳал қилишда муваффақиятсизликка учрагани сабаб қилиб кўрсатилмоқда.