Ла Лига. "Барселона"нинг ғалабали сериясини "Реал Сосьедад" тўхтатди!

Ла Лиганинг 20-турида "Реал Сосьедад" ўз майдонида "Барселона"ни қабул қилди. Мазкур беллашув 2:1 ҳисобида мезбонлар ғалабаси билан якунланди.

Дастлаб, учрашувнинг 32-дақиқасида Оярсабаль ҳисобни очди. Иккинчи таймда захирадан майдонга тушган Рэшфорд 70-дақиқада бош билан аниқ зарба бериб, ҳисобни тенглаштирди. Аммо голдан бир дақиқа ўтиб, Гедеш каталонияликлар дарвозасини ишғол қилди ва ҳисобни 2:1 кўринишига келтирди.

Шу тариқа, Ханси Флик шогирдларининг 11 ўйиндан иборат ғалабали серияси якунланди.