Ла Лига. "Атлетико Мадрид"нинг ғалабали серияси ўз ниҳоясига етди
- 18-январ 2025, 23:00
- Bilolbek Imomov
- 1
- Футбол
Ла Лиганинг 20-туридан ўрин олган баҳсда "Леганес" ўз уйида пешқадам "Атлетико Мадрид"ни қабул қилиб, сенсацион тарзда ғалаба қозонди.
Учрашувнинг 50-дақиқасида мезбонлар вакили Матия Настасич бурчакдан узатилган тўпни дарвоза томон йўллаб, ҳисобни очди. Мазкур беллашув давомида "матрасчилар" ҳисобни тенглаштириш учун хавфли ҳужумлар ташкил қилишди. Баҳснинг 90-дақиқасида Антуан Гризманн пеналтидан унумли фойдалана олмади.
Ушбу ғалабдан сўнг "Леганес" очколар сонини 22 та етказиб, турнир жадвалининг 15 пағонасида бораётган бўлса, Симеони шогиртларининг 15 ўйиндан бери давом этаётган ғалабали сериясига нуқта қўйилди. Гарчи клуб ушбу аламли мағлубиятдан сўнг биринчи ўринни сақлаб қолган бўлсада, иккинчи ўриндаги "Реал Мадрид" бу турдаги ўз учрашувини эртага "Лас-Пальмас"га қарши ўтказади.