Кутилмаган қарор: Муҳаммад Салоҳ “Ливерпуль”дан кетадиган бўлди

Ўтган мавсум “Ливерпуль”нинг Англия Премьер-лигасида чемпион бўлишига катта ҳисса қўшган Муҳаммад Салоҳ келажаги бўйича кутилмаган қарорга келди.

33 ёшли тўпурар яқинда клуб билан шартномасини икки йилга узайтириб, 2027 йилнинг ёзигача Ливерпулда қолишга кўнган эди. Бироқ энди вазият ўзгаргани айтилмоқда.

Football Transfers нашрининг маълум қилишича, мисрлик футболчи 2026 йилнинг ёзида Мерсисайд клубини тарк этишни истаяпти. Муҳаммад Салоҳ келаси ёз Саудия Арабистонига кўчиб ўтишни режа қилган.

“Ливерпуль” эса, бу трансфердан мўмайгина даромад ишлаб олиши мумкин.

Муҳаммад Салоҳ якунланган мавсумда барча турнирларда 52 та учрашув ўтказиб, рақиблар дарвозасини 34 маротаба ишғол қилди ва жамоадошларига 23 та голли пас узатди.