Куртуа: "Биз ўз кучимизга ишонишимиз керак"

Мадриднинг "Реал" клуби дарвозабони Тибо Куртуа сўнгги учрашувлар натижалари ҳақида фикр билдирди.

"Биз тушунишимиз керакки, агар 100 фоиз кучимизни бериб ўйнамасак, очколарни йўқотишимиз мумкин. Биз гапиришни тўхтатиб, амал билан исботлай бошлашимиз керак. Жамоа яхшироқ ўйнай олади. Биз ишлашимиз ва ўз кучимизга ишонишимиз керак", — деди Куртуа.

Маълумот учун, сўнгги учрашувда Хаби Алонсо шогирдлари сафарда "Атлетик Бильбао"ни 3:0 ҳисобида мағлуб этди. Айни пайтда "қаймоқранглилар" пeшқадам "Барселона"дан фақат бир очко орқада қолмоқда.