Куртуа: "Биринчи бўлимда яхши ҳимояландик, бироқ..."

Европа чемпионлар лигаси доирасида 5-турнинг марказий учрашувида "Ливерпуль" ўз уйида "Реал Мадрид" жамоасини қабул қилди. Тўқнашувда "мерсисайдликлар"нинг қўли баланд келди (2:0).

Беллашувдан сўнг "қаймоқранглилар" дарвозабони Тибо Куртуа ўйин ҳақида ўз фикрлари билан ўртоқлашди.

- "Ливерпуль" ҳозирда Европанинг энг кучли жамоаларидан бири. Биринчи бўлимда яхши ҳимояландик, бироқ, ҳужумда ҳеч нарса ўхшамади. Биз пенальтидан ҳисобни тенглаштиришимиз мумкин эди. Бироқ, бу ҳам амалга ошмади. Иккинчи голдан кейин эса ўйинни қутқариб қолиш қийин эди, - деди белгиялик посбон.

Маълумот учун, "Лос-Бланкос" 5-турдан сўнг турнир жадвалининг 24-поғонасидан жой олди. "Ливерпуль" эса 15 очко билан пешқадамликни мустаҳкамлади.