Конте Стерлингни "Наполи"да кўришни истаяпти

"Наполи" жорий ёзда ҳужум чизиғини кучайтириш мақсадида Рахим Стерлингни ўз сафига қўшиб олишни кўриб чиқмоқда. "La Gazzetta dello Sport" нашрига кўра, англиялик 30 ёшли футболчи неаполликлар шорт-листига киритилган ва унинг номзоди бош мураббий Антонио Конте томонидан маъқулланган.

Ҳозирда Стерлинг "Челси"га тегишли, аммо ўтган мавсумни у "Арсенал"да ижара асосида ўтказиб, АПЛда 17 та ўйинда 2та голли узатма амалга оширган.

Шунингдек, 'Наполи"нинг диққат марказида Жек Грилиш ("Манчестер Сити") ва Федерико Кьеза (ҳозир "Ливерпуль" футболчиси) ҳам бор.

Эслатиб ўтамиз, А Сериянинг амалдаги чемпионлари бу мавсум "Манчестер Сити" футболчиси Кевин де Брюйне ҳам қўшиб олган эди.