Конор эҳтимолий уч жанги ҳақида гапирди

Икки вазн тоифасида собиқ UFC чемпиони Конор МакГрегор бокс қоидалари бўйича Олажиде Олатунжи, Жейк Пол ва Томми Фьюри билан жанг қилиши эҳтимолини баҳолади.

"Мен учун рақиб танлаш ярим кунлик иш. Ўйлайманки, мен кўпроқ Олажиде билан жанг қилганим афзал. Бу Буюк Британияда ҳам анча катта шов-шув бўлади. Қолган жангчилар билан ҳам худди шундай. Ишончим комилки, биз бу йигитлар билан қачондир бўлса ҳам тўқнаш келамиз'', -  деб Конорнинг сўзларидан иқтибос келтиради SneakPeek TV.

Эслатиб ўтамиз, МакГрегор фаолияти давомида 28 та жанг ўтказган ва уларнинг 22 тасида ғалаба қозониб, 6 тасида мағлубият аламини тотиб кўрган.