Клублар ўртасидаги жаҳон чемпионатининг янги кубогига Инфантинонинг исми ёзилди

ФИФА президенти Жанни Инфантинонинг исми клублар ўртасидаги жаҳон чемпионатининг янги кубогига ёзилди.

ФИФА ва Tiffany & Co томонидан ишлаб чиқарилган олтин кубок пайшанба куни тақдим этилди. Ташкилотнинг амалдаги президенти Жанни Инфантино исмини мазкур совринда икки маротаба кўриш мумкин.

Ёзувлардан бирида шундай дейилган: "Ташкилотчи-президент Жанни Инфантино". Ёзувдан кейин унинг имзоси келади.

Инфантино тилга олинган бошқа бир парчада: "Биз янги давр гувоҳи бўлиб турибмиз. Клуб футболининг олтин даври: ФИФА клублар ўртасидаги жаҳон чемпионати даври. ФИФА президенти Жанни Инфантинодан илҳомланган ҳолатда." - деб ёзилган.