КЛ саралаши. Шомуродов ассист қилган учрашувда "Истанбул Башакшеҳир" дуранг ўйнади

Конференциялар лигаси плей-офф босқичига саралашидан ўрин олган "Истанбул Башакшехир" - "Викинг" ўртасидаги беллашувда 1:1 ҳисобидаги дуранг натижа қайд этилди. 
 
Дастлаб учрашувнинг 34-дақиқасида Туркия клуби ҳимоячиси Онур Булут ўз дарвозасини ишғол қилиб қўйди. Орадан 6 дақиқа ўтиб эса ҳамюртимизнинг узатмасидан сўнг Зельке ҳисобни тенглаштиришга муваффақ бўлди. Истанбулликларни ушбу дуранг ҳам кейинги босқичга олиб чиқди. Сабаби, жамоа илк тўқнашувда 1:3 ҳисобида ғалаба қозониб, уйга қайтган эди. 
 
Маълумот ўрнида, 83-дақиқада терма жамоамиз сардори ҳисобланган Элдор Шомуродов ўрнига захирадан Юсуф Сари ўйинга қўшилди.