Кейн келажаги ҳақидаги миш-мишларга жавоб берди

"Тоттенхем" ҳужумчиси Харри Кейн келажаги ҳақида гапирди. Аввалроқ, англиялик футболчининг "Манчестер Юнайтед" ва "Бавария"га ўтиши ҳақида хабарлар чиққанди.

- Янги жамоага ўтишингиз ҳақида нима дея оласиз?

- Ростини айтсам, кўп муҳокамалар бўлмади. Бор эътиборимни жорий мавсумга қаратганман ва жамоам учун бор кучимни сарфлаяпман. Келажагим ҳақидаги миш-мишлар давом этишини биламан, - деди Кейн журналистларга.

29 ёшли футболчининг "шпорлар" билан амалдаги шартномаси 2023/2024 йилги мавсум охиригача амал қилади.