Кавани бирдан ўзгариб қолди
- 23-апрел 2021, 11:50
- Zohir Toshxo’jayev
- 0
- Футбол
“Манчестер Юнайтед” ҳужумчиси Эдинсон Кавани мавсум якунланиши билан ўзи болалигидан мухлислик қиладиган “Бока Хуниорс”га ўтишга қарор қилганди. Уле-Гуннар Сульшер уругвайлик ҳужумчининг ўрнига бошқа тўпурар қидиришга тушганди.
Каванига яқин бўлган манбаларнинг хабар қилишича, тажрибали футболчи кутилмаганда Англиядан кетиш фикридан қайтган.
Маълум бўлишича, Эдинсон яна бир мавсум давомида “Манчестер Юнайтед” сафида қолмоқчи ва янги шартнома бўйича музокараларни қайта тиклашга розилик берган.
Эдинсон Каванининг қарорини ўзгартиришига 2022 йилги жаҳон чемпионатигача юқори савиядаги чемпионат ва клубда тўп тепиш истаги сабаб бўлгани айтилмоқда. Уругвайлик ҳужумчи МЮда ўйнаш орқали, Уругвай терма жамоасидаги жойини сақлаб қолмоқчи.
Изоҳлар (0)
Ҳозирча изоҳлар йўқ