Кавани баланд “дор”га осиляпти

“Манчестер Юнайтед” билан хайрлашган Эдинсон Кавани ёши ўтиб қолганига қарамай, Европанинг гранд клубларида ўйнашни истаяпти.

Маълумотларга қараганда, уругвайлик ҳужумчи “Реал” сафида тўп тепмоқчи.

35 ёшли футболчи Европа Чемпионлар лигасида қолиб чиқиш учун ушбу мусобақанинг амалдаги ғолиби ҳисобланган мадридликлар захирасида ўтиришга ҳам рози.

“Реал”нинг ўзи ҳам Карим Бенземага ўринбосар қидирмоқда. Улар Каванидан фойдаланиб қолиши мумкин.

Эдинсон Кавани фаолиятида давомида жами 615 та учрашувда иштирок этиб, ўз ҳисобига 360 та гол ва 72 та ассист ёздириб қўйган.