Катанец Ўзбекистон терма жамоасининг Осиё кубогидаги рақиблари ҳақида гапирди
- 11-май 2023, 20:14
- Oybek Yo’ldoshev
- 0
- Футбол
Ўзбекистон МТЖ бош мураббийи Сречко Катанец Осиё кубоги натижаларидан кейин рақибларимиз ҳақида ўз фикрларини билдириб ўтди.
Ўзбекистон терма жамоаси "B" гуруҳидан жой олди ва Австралия, Сурия ва Ҳиндистон, Ҳиндистон термалари билан куч синашади.
"Қуръа натижалари ҳақида гапирадиган бўлсам, бу ерда барча гуруҳлар даража жиҳатдан бир-бирига яқин. Яъни ҳар бир гуруҳ мураккаб. Бизнинг гуруҳдаги Австралия Осиёнинг энг кучли терма жамоаларидан бири ҳисобланади. Сурия терма жамоасини ҳам ҳурмат қиламан. Уларда кучли футболчилар, яхши ҳужумчилар бор. Уларга қарши ўйинда эҳтиёт бўлишимиз керак. Ҳиндистон терма жамоасини турнирда бор кучини бериб ўйнашига ишонаман. Ҳиндистоннинг баъзи учрашувларини кузатганман. Уларда бош мураббий вазифасини Игорь Штимац бажаради. У жуда кучли мутахассис ва жамоани турнирга яхши тайёрлай олади.
Ўйлайманки, биз қитъа биринчилигига тайёр ҳолатда борамиз. Барча футболчиларимиз турнирга жароҳатларсиз етиб боришига умид қиламан. Яхши натижа кўрсата олишимизга ишонаман", - деди Катанец.