Камерунга гол урган Остон Ўрунов Тошкентга қайтди. Сабаби...

Эртага Корея Республикасидаги йиғиннинг сўнгги куни доирасида Ўзбекистон миллий терма жамоаси Коста-Рика билан ўртоқлик ўйини ўтказади.

Терма жамоамиз аъзоси Остон Ўрунов оилавий тадбир сабаб ушбу учрашувда иштирок эта олмайдиган бўлди. Футболчимиз мураббийлар штаби рухсати билан Тошкент шаҳрига қайтди.

Эслатиб ўтамиз, Ўрунов Камерунга қарши ўйинда жамоамизнинг иккинчи голига муаллифлик қилди. У Одил Ҳамробековнинг узатмасидан сўнг ҳаводаги тўпни дарвозага жойлаб қўйганди.