Жиру: "Милан"нинг яна "тахт"га қайтадиган пайти келди"

"Милан" ҳужумчиси Оливье Жиру А Сериядаги чемпионлик учун кечаётган рақобат ҳақида фикр билдирди. Айтишича, у худди Шевченко сингари скудетто ғолиби бўлишни истайди.

"Скудетто - менинг болаликдаги орзум. Тўғри, аввалдан "Арсенал"га мухлислик қилганман. Бироқ "Милан"га ҳам бефарқ бўлмаганман.

Айниқса, Шевченконинг ўйинларини кузатиш мен учун ёқимли жараён эди. Мен у каби А Серияда чемпион бўлишни истайман.

Ҳозир "Интер" ҳам, "Ювентус" ва "Наполи" ҳам тез-тез очко йўқотмоқда. Биз бундан фойдаланишимиз керак.

Бизда ёш ва тажрибали футболчилардан иборат ажойиб таркиб шаклланган. Менимча, "Милан"нинг яна "тахт"га қайтадиган пайти келди", - деди франциялик ҳужумчи.