"Челси" "Бавария"ни Николас Жексоннинг трансфери бекор қилингани ҳақида огоҳлантирди. Ҳужумчи Мюнхен клубига сотиб олиш ҳуқуқи билан ижарага бориши керак эди.
Шанба куни Жексон ўз вакиллари билан бирга самолётда Мюнхенга учиб кетаётгани акс этган кадрлар пайдо бўлди. Аммо битим бекор қилинди. The Athletic нашри ўз саҳифаларида маълум қилишича, "Челси" АПЛнинг шанба кунги "Фулҳем"га (2:0) қарши ўйинида форвард Лиам Делап жароҳат олгач, шундай қарорга келган. Унинг тикланиши учун тахминан саккиз ҳафта керак бўлади.
"Челси" 24 ёшли Жексонни Лондонга қайтишга чақирди.
Изоҳлар (0)
Ҳозирча изоҳлар йўқ