Жек Маддалена: "Ислом Макҳачевни нокаут қиламан!"

Австралиялик UFC жангчиси Жек Делла Маддалена россиялик Ислом Махачевга қарши жангдаги ниятини очиқ айтди.

"Ислом - жиддий рақиб. Уни дунёдаги энг яхши жангчилардан бири деб биламан. Бу — беш раундлик мураккаб чемпионлик жанги, шунинг учун аниқ тактика билан тайёргарлик кўряпман. Менинг мақсадим — Махачевни нокаут қилиш. Энг мақбул вариант — жангни муддатидан олдин якунлаш. Агар буни уддаласам, "Мэдисон Сквер Гарден" портлайди", - деди ярим ўрта вазн чемпиони "Submission Radio" You Tube каналига берган интервьюсида.

Эслатиб ўтамиз, Делла Маддалена ва Макҳачев ўртасидаги баҳс 16 ноябрь куни "UFC 322" турнирида бўлиб ўтади.