"ЖЧ-2026" саралаши. Ўзбекистон - Қирғиз Республикаси учрашуви вақти ўзгарди

Хабарингиз бор, Ўзбекистон терма жамоаси март ойида 2026 йилги Жаҳон чемпионати 3-саралаш босқичи доирасида Қирғиз Республикаси ва Эрон билан беллашади. 

Дастлаб, "оқ бўрилар" 20 март куни Тошкентда Қирғиз Республикасини қабул қилади. Бунёдкор" стадионида бўлиб ўтадиган учрашув вақти ўзгарди. Рамазон ойи муносабати билан мухлисларга қулайлик яратиш мақсадида Ўзбекистон футбол ассоциацияси учрашув вақтини ўзгартириш бўйича ОФКга сўров юборди. Сўров қаноатлантирилиб, ўйин 20 март куни Тошкент вақти билан соат 21:15 га кўчирилди.

Эслатиб ўтамиз, вакилларимиз 8-турда эса сафарда Эрон билан беллашади. Бу қарама-қаршилик вақти эса ҳозирча ноъмалум. Ўзбекистон МТЖ 6-турдан сўнг 13 очко жамғариб, турнир жадвалида иккинчи ўринни эгаллаб турибди. 16 очкоси бор Эрон эса етакчи.