ЖЧ-2022. Роналду Жаҳон чемпионати фаворитлари қаторига Португалияни киритмади

Португалия терма жамоаси сардори Криштиану Роналду ЖЧ фаворитлари ҳақида ўз фикрлари билан ўртоқлашди. Улар орасига футболчи Португалия терма жамоасини қўшмади.

"Португалия катта салоҳиятга эга жамоа, Ганага қарши ўйин катта аҳамиятга эга. Aгар биз кучли бўлсак, турнир охиригача етиб борамиз. Табиийки, чемпион бўлган жамоа турнирнинг энг яхшиси бўлади.

Турнир фаворитлари? Бразилия, Aргентина, Франция, Испания, Германия терма жамоаларида чемпион бўлиш учун имконият катта", - деди Роналду.

Эслатиб ўтамиз, Роналду бошчилигидаги Португалия терма жамоаси мундиалдаги биринчи ўйинини 24 ноябрь куни Гана терма жамоасига қарши ўтказади.